ကြားဖြတ်ရွေးကောက်ပွဲပေါ် ကချင်အဖွဲ့အစည်းများ ပြန်လည် သုံးသပ်

ကြားဖြတ်ရွေးကောက်ပွဲပေါ် ကချင်အဖွဲ့အစည်းများ ပြန်လည် သုံးသပ်
Share

နိုင်ဝင်ဘာ ၃ရက် ကြားဖြတ် ရွေးကောက်ပွဲအပေါ် Kachin Democratic Party (KDP) အနေဖြင့် ပြန်လည် သုံးသပ်ပြီး ရှေ့ဆက်အကြံပြုသည့် အစီစဉ်ကို Kachin State Party (KSP) ယာယီကော်မတီ ၏ ဦးဆောင်ပြီး အရပ်ဖက် အဖွဲ့အစည်းများဖြင့် ယနေ့ မြစ်ကြီးနားမြို့ N’Jang Dung နှစ်ခြင်းဘုရားကျောင်းဝင်းတွင် ပြုလုပ်ပါသည်။

"၂၀၂၀ မှာ ပါတီတွေ ဘယ်လို လုပ်ရမလဲအရေးကြီးတယ်လို့ ယူဆတယ်။ ဘယ်လို အခြေအနေပဲ ဖြစ်ခဲ့ ဒါကို အတွ့အကြုံတစ်ခုလိုမှတ်ယူပြီး ခံရတာ များနေတော့။ အတွေ့အကြုံပဲ ယူတာမဟုတ်ဘဲ ဒါကို ဘယ်လို အသုံးချမလဲ၊ ဘယ်ဟာ အားနည်းချက်လဲ သိအောင်၊ အရေးကြီးလို့ ခေါ်ယူ လုပ်ဆောင်တာ ဟုတ်တယ်။" ဟု အစည်းဝေးဖြစ်မြောက်ရေးအတွက် ကူညီပေးသော ကချင်လူမှုဖွံ့ဖြိုးရေးအဖွဲ့ KDNG မှ ဦး Tsa Ji ပြောပါသည်။

မဲဆွယ်ကာလ နှင့် ရွေးကောက်ပွဲတွင် KDP ၏ လုပ်ဆောင်မှု အားနည်းချက်များကို ဆရာ Seng Hkum (ဆိုင်းခွမ်) မှ အသေးစိတ်ထောက်ပြမှု ပြုလုပ်ခဲ့သည်ကိုတွေ့ရသည်။

ထို့နောက် ၂၀၂၀ တွင် အနိုင်ရပါတီဖြစ်လာအောင် မည်သို့ ပြုလုပ်ရမည်ကိုလည်း သင်ကြားပို့ချမှုများ ပြုလုပ်သွားပါသည်။

သုံးသပ်ဆွေးနွေးပွဲကို ၂ ရက်ပြုလုပ်မည်ဖြစ်ပြီး ကချင်ပေါင်းစည်းပါတီများ၊ လူငယ်များ၊ အရပ်ဖက်အဖွဲ့အစည်းများနှင့် အမျိုးသမီးအဖွဲ့များ ဖြင့် ပါဝင်ပြုလုပ်ခဲ့သည်ကို တွေ့ရသည်။

KNG BURMESE WEBSITEKNG KACHIN WEBSITE
  • Popular

  • Latest