လူငယ် အသိပညာပေး ဆွေးနွေးပွဲ မြစ်ကြီးနားမြို့တွင် ၂ရက် ပြုလုပ်

လူငယ် အသိပညာပေး ဆွေးနွေးပွဲ မြစ်ကြီးနားမြို့တွင် ၂ရက် ပြုလုပ်
Share

လူငယ်များနှင့်ဆိုင်သော အသိပညာပေး အမြင်ဖွင့်ဆွေးနွေးပွဲတစ်ခုကို မြစ်ကြီးနား School of Arts & Sciences (SAS)ကျောင်းတွင် ၂ရက်ပြုလုပ်ခဲ့သည်။

ဆွေးနွေးပွဲကို နိုဝင်ဘာလ ၂၀ရက်မှ ၂၁အထိ ပြုလုပ်ခဲ့ပြီး Australia Awards Scholarships ကျောင်းသားများ က တာဝန်ယူဆွေနွေးသွားသည်။

လူငယ်များကို အဓိကအားဖြင့် လူငယ်နှင့်ငြိမ်းချမ်းရေး၊ လူငယ်နှင့်မူးယစ်ဆေးဝါး၊ လူနှင့်ပညာရေး၊ လူငယ်နှင့်စီးပွားရေး၊ လူကုန်ကူးမှု စသောအချက်များဖြင့်ပါဝင် ဆွေးနွေးပေးခဲ့သည်။

လူငယ်များမှာ များသောအားဖြင့် မူးယစ်ဆေးဝါးသုံးစွဲမူများ လာပြီး နိုင်ငံရေးအပေါ် စိတ်ဝင်စားမှုအားနည်းနေခြင်းကြောင့် လူငယ်များကို သိသင့်သိထိုက်သော အကြောင်းအရာများ ကို အမြင်ဖွင့် ဆွေးနွေးပေးခြင်းဖြစ်သည်ဟု တာဝန်ရှိသူ ဦး Mung Aung က ပြောဆိုသည်။

ထိုဆွေးနွေးပွဲကို အသက် ၁၈ နှစ် အထက်လူငယ်များကိုသာ စီစစ်ရွေးချယ်ခဲ့ပြီး လူမျိုးပေါင်းစုံအယောက် ၇၀ခန့် ပါဝင်ဆွေးနွေးခဲ့ခြင်း ဖြစ်သည်။

Australia Awards Scholarships ကျောင်းသားများအဖွဲ့ မှာ လက်ရှိ ပြည်နယ်အသီးသီးတွင် လူငယ်များနှင့်ငြိမ်းချမ်းရေးဆိုင်ရာ အသိပညာပေး အမြင်ဖွင့်ဆွေနွေးပွဲများ ပြုလုပ်ပေးနေသည်ဖြစ်သည်။

KNG BURMESE WEBSITEKNG KACHIN WEBSITE
  • Popular

  • Latest