ဟူးကောင်း ရွာသားများ ကိုယ်ပိုင် ကျွဲ၊ နွား စားကျယ်မြေများ သတ်မှတ်

ဓါတ်ပုံ - Mungchying Rawt Jat
Share

ကချင်ပြည်နယ် ဟူးကောင်းချိုင့်ဝှမ်းဒေသ ကျေးရွာများတွင် ကျွဲ၊ နွား စားကျက်နယ်မြေရရှိရန် အတွက် ကျေးရွာနယ်မြေအတွင်း မည်သည့် စိုက်ပျိုးရေး စီမံကိန်းများမပြုနိုင်ရန် ကျေးရွာ ၄ ရွာတွင် တားမြစ်ဆိုင်းဘုတ်များ ထူထောင်ထားကြသည်။

အဆိုပါဆိုင်းဘုတ်တွင် ‘ကျွဲ၊ နွား စားကျက်မြေ အတွင်း မည်သည့်(ကုမ္မဏီ) တသီးပုဂ္ဂလ အဖွဲ့အစည်းများ စိုက်ပျိုးရေးစီမံကိန်း လုပ်ငန်းများ လုပ်ဆောင်ခြင်း လုံးဝ မပြုလုပ်ရ’ ဟူသော စာသားပါ ဆိုင်းဘုတ်ကို တွေ့ရသည်။

နိုဝင်ဘာ (၈)ရက်နေ့တွင် ကချင်လူမှုဖွံ့ဖြိုးရေးအဖွဲ့ Mungchying Rawt Jat (MRJ)မှ ဦးဆောင်ပြီး ဒေသခံပြည်သူအချို့ နှင့် မန်ပန်ကျေးရွာ (Man Pang Mare)၊ ဝါရာဇွပ်ကျေးရွာ (Wara Zup Mare)၊ ဒရိမ်ကောင့်ရာ (Daring Kawng Ra)၊ လဂျားဘွမ်ကျေးရွာ (Laja Bum Mare) ကျေးရွာများတွင် ဆိုင်းဘုတ်များထူထောင်ထားကြောင်းသိရသည်။

received_189851088609786.jpeg

ဒေသခံပြည်သူများ၏ တောင်ယာ အခင်းများကို Wildlife Conservation Society (WCS) အကူညီဖြင့် ၂၀၀၁ တွင် ‘ကျားထိန်းသိမ်းရေးနယ်မြေ’ အဖြစ် သတ်မှတ်ပေးခြင်း၊ ၂၀၀၇ ခုနှစ်တွင် ယုဇနကုမ္မဏီမှ လယ်ယာမြေများကို မတရားသိမ်းယူလိုက်ခြင်းကြောင့် ကျွဲ၊ နွား စားကျက်နယ်မြေများ လိုအပ်နေကြောင်းကို MRJ တာဝန်ရှိသူ ဦး Tang Gun က ကချင်သတင်းဌာန KNG ကို ပြောသည်။

“ဒေသခံပြည်သူတွေက ကျွဲ၊ နွားနဲ့သာ လယ်ယာမြေလုပ်ကြတယ်။ ကုမ္ပဏီတွေက စီမံကိန်းလုပ်ပြီး ဒေသခံပြည်သူတွေရဲ့လယ်ယာမြေများကို မတရားသိမ်းယူကြတယ်။ ကျွဲ၊ နွား စာကျက်နေရာတွေမရှိတော့ဘူး။ ဒါကြောင့် ဒီစာကျက်သတ်မှတ်ပေးဖို့လိုနေပြီ။ သတ်မှတ်ပေးဖို့လည်း သက်ဆိုင်ရာအစိုးရမှာတာဝန်ရှိတယ်။”

ဆိုင်းဘုတ် သတ်မှတ်ထားသော နေရာများကို သက်ဆိုင်ရာ အစိုးရကို တင်ပြတောင်းဆိုသွားမည်ဖြစ်သည့် အတွက် ဆန့်ကျင်မှုများရှိလာလျှင် တည်ဆဲ ဥပဒေနှင့်အညီ လိုအပ်သလို ဆောင်ရွက်သွား မည်ဟု ပြောဆိုသည်။

KNG BURMESE WEBSITEKNG KACHIN WEBSITE
  • Popular

  • Latest