အထွေထွေအုပ်ချုပ်ရေး ဦးစီးဌာန နှစ် (၃၀)ပြည့် အခမ်းအနား မြစ်ကြီးနားတွင် ကျင်းပ

ဦးသန်းဝင်း၊ အထွေထွေအုပ်ချုပ်ရေး ဦးစီးဌာန မှူး
Share

ပြည်ထဲရေးဝန်ကြီးဌာန၊ အထွေထွေအုပ်ချုပ်ရေးဦးစီးဌာန နှစ် (၃၀)ပြည့် နှစ်ပတ်လည်နေ့ အထိမ်းအမှတ်အခမ်းအနားကို ယနေ့ မြစ်ကြီးနားမြို့ စုပေါင်းရုံးတွင်ပြုလုပ်ခဲ့သည်။

နှစ်စဉ် နှစ်ပတ်လည်အထိမ်းအမှတ်ပြုလုပ်ရခြင်းမှာ အုပ်ချုပ်ရေးဝန်ထမ်းများနှင့်သက်ဆိုင်သော ကျင့်ဝတ်သိက္ခာများကိုသတ်မှတ်ထားသည့်အတွက် ဝန်ထမ်းတစ်ဦးချင်း၏ အနေအထားများကို ဖော်ထုတ်ချီးမြင့်ပေးပြီး ဌာန၏ ဂုဏ်သိက္ခာကိုမြင့်တင်ပေးသောပွဲဖြစ်သည်ဟု အထွေထွေအုပ်ချုပ်ရေးဦးစီးဌာနမှူး ဦးသန်းဝင်း ပြောဆိုသည်။

လက်ရှိအထွေထွေအုပ်ချုပ်ရေးဦးစီးဌာနမှ မြေယာစီမံခန့်ခွဲရေးလုပ်ငန်းများ၊ ဒေသဖွံ့ဖြိုးရေးလုပ်ငန်းများ၊ အသင်းဖွဲ့မှတ်ပုံတင်လုပ်ငန်းများ၊ အခြားသောဌာနများနှင့် ပေါင်းစပ်လုပ်ကိုင်သောလုပ်ငန်းများ၊ နေရပ်စွန့်ခွာစစ်ရှောင်မိသာစုများကို စားနပ်ရိက္ခာထောက်ပေးသောလုပ်ငန်းများ လုပ်ဆောင်နေခြင်းကိုလည်းပြောဆိုသည်။

အဆိုပါ နှစ်ပတ်လည်အခန်းအနားတွင် ဝန်ထမ်းများကို ဝတ်စုံများထောက်ပံ့ပေးခြင်းနှင့် ဗလာမပါငွေသား ကျပ် သိန်း ၃၀ဖိုး ကံစမ်းမဲများကိုလည်း ဖွင့်ဖောက်ပေးသွားမည်ဖြစ်သည်။

KNG BURMESE WEBSITEKNG KACHIN WEBSITE
  • Popular

  • Latest