ကချင် ၃ ပါတီဖြင့်သာ ပေါင်းစည်းပါတီ မှတ်ပုံတင်ရန် ဆုံးဖြတ်

ကချင် ၃ ပါတီဖြင့်သာ ပေါင်းစည်းပါတီ မှတ်ပုံတင်ရန် ဆုံးဖြတ်
Share

ကချင်ပါတီပေါင်းစည်းရေးတွင် မူလ ပါတီ (၄)ပါတီ ပေါင်းစည်းရန် သဘောတူခဲ့သော်လည်း ကချင်အမျိုးသားကွန်ကရက် KNC ပါတီမှာ ပါတီ ဖျက်သိမ်းရန် မဖြစ်နိုင်သေးသောကြောင့် ပါတီ (၃)ပါတီ ဖြင့်သာ မှတ်ပုံတင်ရန် နောက်ဆုံး ဆုံးဖြတ်လိုက်သည်။

Kachin National Congress ပါတီအနေဖြင့် မပါဝင်နိုင်သော်လည်း ထိုပါတီမှ အဖွဲ့ဝင် အများစုမှာ လက်ရှိ ကချင်ပေါင်းစည်းပါတီတွင် ပါဝင်လာမည်ဟု ယနေ့ မြစ်ကြီးနားမြို့ မနောကွင်း Majoi Gawknu ခန်းမတွင် ပြုလုပ်သော ကချင်ပါတီပေါင်းစည်းရေးကို ဦးဆောင်ခဲ့သည့် လူထုကိုယ်စားပြု (၁၇)ဦး ကော်မတီ၏ လူထုထံ ရှင်းပြသည့် အချက်တွင် ဖော်ဆိုသွားပါသည်။

ပါတီပေါင်းစည်းရေး (၁၇)ဦး ကော်မတီကို ယခုနှစ် ဧပြီလ (၁၀)ရက်နေ့ လူထု ကိုယ်စားလှယ်များဖြင့် ဖွဲ့စည်းခဲ့ခြင်း ဖြစ်ပြီး ၄င်းတို့ ဦးဆောင်မှုဖြင့် ပေါင်းစည်းပါတီ၏ နာမည်ကို ‘Kachin State Party (KSP)’ အဖြစ် ပါတီ အလံကိုလည်း သဘောတူ ဆုံးဖြတ်ချက် ချမှတ်နိုင်ခဲ့ပြီ ဖြစ်ပါသည်။

ထို့ကြောင့် ယနေ့ အစီစဉ်တွင် (၁၇)ဦး ကော်မတီ အနေဖြင့် ၄င်းတို့ လုပ်ဆောင်မှုများကို ရှင်းလင်းခဲ့ပြီး အလံ နှင့် တံဆိပ် ကိုလည်း ပါတီခေါင်းဆောင်များထံ ဆုတောင်း အပ်နှံကြပါသည်။

မိမိပါတီများကို ဖျက်သိမ်းမည်ဟု ကတိပြုထားသော ကချင်ဒီမိုကရက်တစ်ပါတီ KDP၊ ကချင်ပြည်နယ် ဒီမိုကရေစီပါတီ KSDP၊ စည်းလုံး ညီညွတ်ရေးနှင့် ဖွံ့ဖြိုးရေး ပါတီ ကချင်ပြည်နယ် UDPKS စသည့် (၃)ပါတီဖြင့်သာ မှတ်ပုံတင်နိုင်ရေး စတင် လုပ်ဆောင်မည်ဟု ပြောဆိုပါသည်။

မှတ်ပုံတင် ကိစ္စ ပြီးစီးပြီးနောက် ပေါင်းစည်းပါတီ Kachin State Party သို့ ပါဝင်လိုသူများကိုလည်း လက်ခံ သွားမည်ဟု ပြောဆိုသွားပါသည်။

KNG BURMESE WEBSITEKNG KACHIN WEBSITE
  • Popular

  • Latest