အရွေးခံမည့် ကိုယ်စားလှယ်လောင်း (၃)ဦး နှင့် ကချင်လူငယ်များ တွေ့ဆုံမည်

အရွေးခံမည့် ကိုယ်စားလှယ်လောင်း (၃)ဦး နှင့် ကချင်လူငယ်များ တွေ့ဆုံမည်
Share

ကြားဖြတ်ရွေးကောက်ပွဲ ယှဉ်ပြိုင်မည့် မြစ်ကြီးနား မြို့နယ် အမျိုးသားလွှတ်တော် ကိုယ်စားလှယ်လောင်း ၃ဦးနှင့် လူငယ်များ တွေ့ဆုံဆွေးနွေးပွဲကို အောက်တိုဘာလ ၂၀ရက်နေ့ Kachin Youth Center မှာပြုလုပ်ရန် စီစဉ် ထားသည်။

ဆွေးနွေးပွဲကို ကချင်လူငယ်သမဂ္ဂ (AKYU) က တာဝန်ယူပြီး တက်ရောက်မည့် ကိုယ်စားလှယ်လောင်းများမှာ ကချင်ဒီမိုကရက်တစ်ပါတီ (KDP)မှ ဦးကွမ်ဂေါင်အောင်ခမ်း၊ ပြည်ထောင်စုတိုင်းရင်းသားများ ဖက်ဒရယ်ဒီမိုကရေစီပါတီ (UNFDP) မှ ဒေါ်အမ်ဒီခေါညွယ်နှင့် တစ်သီးပုဂ္ဂလ ကိုယ်စားလှယ်လောင်း ဒေါက်တာသန်းထိုက်ဦး တို့ဖြစ်ကြသည်။

ယခုလို လွှတ်တော်ကိုယ်စားလှယ်လောင်းများနှင့် ကချင်လူငယ်များ တွေ့ဆုံမှုပြုလုပ်ရခြင်းမှာ အဓိကအားဖြင့် လူငယ်များနှင့် ကိုယ်စားလှယ်လောင်းများ အချင်းချင်းအမြင်များဖလှယ်နိုင်ရန် အတွက် နှင့် လူငယ်များနိုင်ငံရေးကို စိတ်ဝင်စားမှုရှိလာအောင်ပြုလုပ်ရခြင်းဖြစ်သည်ဟု All Kachin Youth Union တာဝန်ခံ Lum Zawng (လွမ်းဇောင်း) က ကချင်သတင်းဌာန KNG ကို ပြောသည်။

နိုဝင်ဘာ (၃)ရက် မြစ်ကြီးနားမြို့နယ် အမျိုးသားလွှတ်တော် ကြားဖြတ်ရွေးကောက်ပွဲ ယှဉ်ပြိုင်မည့် ကိုယ်စားလှယ်လောင်း ၆ ဦး ရှိပါသည်။

KNG BURMESE WEBSITEKNG KACHIN WEBSITE
  • Popular

  • Latest