ပူတာအိုမြို့နယ် ရေကြီးမှုတွင် အိမ်ခြေ ၄၀၀ ကျော် ရေလွှမ်း

ပူတာအိုမြို့၊ ကချင်ပြည်နယ်
Share

ကချင်ပြည်နယ် မြောက်ဘက် ပူတာအိုမြို့နယ် မိုးသည်းထန်စွာရွာသွန်းပြီး တောင်ကျချောင်းရေ များလာသည့်အတွက် ကျေးရွာအချို့တွင် တနင်္ဂနွေနေ့မှ စတင်ပြီး ရေဘေး ဒဏ်ကို ကြုံတွေ့နေရသည်။

အထက်ဆန်ဂေါင်၊ လုံမူဒမ်း၊ ဝါးဆာရ်၊ မုံငူရ်၊ ပူတောင်း အပြင် နီးစပ်ရာ ကျေးရွာရှိ အိမ်ခြေ ၄၀၀ ကျော်တွင် ရေလွှမ်းခဲ့သည်ဟု ဒေသခံ ဦးအောင်ခမ်း ထံမှ သိရပါသည်။

“၁ နှစ်စာ စုထားတဲ့ စပါးကြီတွေ ရေဝင်သွားတယ်။ ရေက ၅ ပေလောက် ထိ မြင့်တက်တယ်။
အိမ်အောက်ထပ်မှာ ဆိုင်ကယ်ထားတာ၊ ဝက်ခြံတွေ ထားတာ အကုန် မြုပ်သွားတယ်။ လယ်ထွန်စက်တွေ ပျက်သွားတယ်” ဟု ပြောဆိုပါသည်။

စာသင်ကျောင်း ၃ ခုတွင်လည်း ရေဝပ်နေသည့်အပြင် လမ်းတံတားအချို့လည်း ပျက်စီးနေသဖြင့် စာသင်ကြားနိုင်ရန် ခက်ခဲနေသည်ဟု ဆက်လက် သိရပါသည်။

သို့သော်လည်း ရေဘေးဒဏ်ခံ ဒေသခံများအတွက် သက်ဆိုင်ရာ ဌာနဆိုင်ရာမှ လက်တွေ့ ကူညီပေးခြင်း မရှိသေးသောကြောင့် သောက်ရေ နှင့် အခြား အကူညီအတွက် လိုအပ်နေသည်ဟု ပြောပါသည်။

KNG BURMESE WEBSITEKNG KACHIN WEBSITE
  • Popular

  • Latest