မိုးမောက်မြို့ ရေကြီးရေလျှံမှုကြောင့် အိမ်ခြေ (၃၀)ကျော် ရေဘေး သင့်

N'mawk stream မိုးမောက်ချောင်း ရေကြီးနေပုံ

ကချင်ပြည်နယ် မိုးမောက်မြို့တွင် ယမန်နေ့ည မိုးသည်းထန်စွာ ရွာသွန်းခဲ့သောကြောင့် ယနေ့ နေအိမ် (၃၀)ကျော် ရေဘေးဒဏ် ခံနေရသည်။

ညသန်းခေါင်ယံ အချိန်တွင် N’mawk Hka (မိုးမောက်ချောင်း) တက်လာသောကြောင့် ယနေ့ မနက်ပိုင်းတွင် လူနေအိမ်များ ရေပြည့်နေသဖြင့် ထမင်းချက်ရန် အဆင်မပြေသော နေရာများတွင် အစားအသောက် ကူညီမှုများ ပြုလုပ်မှု ရှိနေကြောင်း ဆိုပါသည်။

ရေကြီးရေလျှံ ဖြစ်သည့်အတွက် အမှတ်(၂) မူလတန်းကျောင်းကိုလည်း ပိတ်ထားခြင်ဖြစ်သည် ဟု ဒေသခံတစ်ဦး ကချင်သတင်းဌာန KNG ကို ပြောပါသည်။

မိုးရွာသွန်းမှု ယနေ့ နေ့လယ် မှ စတင်ပြီး ရပ်တန့်သွားပြီ ဟု သိရသည်။

မိုးမောက်မြို့တွင် မိုးသည်းထန်စွာ ရွာသွန်းလျှင် တောင်ကျရေ N’mawk Hka (မိုးမောက်ချောင်း) ကြောင့် ရံဖန်ရံခါ ရေကြီးရေလျှံ ဖြစ်တတ်လေ့ရှိကြောင်း ဒေသခံများ ဆိုပါသည်။

KNG BURMESE WEBSITEKNG KACHIN WEBSITE
  • Popular

  • Latest