ဖားကန့် မက်လင်ဂျောင် မြေပြိုမှုတွင် ပျောက်ဆုံးသူ (၂၉)ဦး ထိ ရှိလာ

မက်လင်ဂျောင်သို့ ဖားကန့်ကယ်ဆယ်ရေးအဖွဲ့များ ရောက်ရှိလာ၊ ဇူလိုင် ၂၅၊ ၂၀၁၈

ဇူလိုင် ၂၄ ယမန်နေ့ ဖားကန့်ကျောက်စိမ်းမှော် မက်လင်ဂျောင် မြေပြိုကျမှုမှာ ပျောက်ဆုံးသူ (၂၅)ဦး စာရင်း ကောက်ခံရရှိခဲ့ပြီး ယနေ့တွင် နောက်ထပ် (၄)ဦး စာရင်း ထပ်မံ ရရှိသဖြင့် ပျောက်ဆုံးသူ စုစုပေါင်း (၂၉)ဦး ရှိနေပြီ ဖြစ်သည်။

ထပ်မံတိုင်ကြားထားသည့် ပျောက်ဆုံးသူတို့သည် မော်မုံကျေးရွာမှ (၂)ဦး နှင့် ဖားပြင်ကျေးရွာမှ (၂)ဦး ဖြစ်ကြောင်း သိရပါသည်။

ယခုတွင် ဖားကန့်မြို့နယ် လွှတ်တော်ကိုယ်စားလှယ်များ၊ အုပ်ချုပ်ရေးမှုး နှင့် ရဲများ စုပေါင်းပြီး မြေဇာပုံတွင် ပျောက်ဆုံးနေသူများအား ကယ်ဆယ် ရှာဖွေရေးများ ပြုလုပ်သွားရန်အတွက် မည်သည့် ပုံစံဖြင့် ပြုလုပ်သွားမည်ကို အစည်းအဝေးတွင် ဆွေးနွေးနေကြပြီ ဖြစ်သည်။

ထိုသို့ မြေပြိုကျမှု ဖြစ်ပွားနေသော်လည်း မြေပြိုသည့် နေရာ အပ်ါပိုင်းတွင် ကျောက်တူး သမားများ ဆက်လက် တူးဖော်နေဆဲ ဖြစ်သည်။

KNG BURMESE WEBSITEKNG KACHIN WEBSITE
  • Popular

  • Latest