ငေါ့ချန်းခ ရေကာတာကြောင့် ဒေသခံများ နစ်နာနိုင်မှု စစ်တမ်းကို ရှင်းလင်း

ဇူလိုင် ၂၃၊ ၂၀၁၈ ငါ့ချန်းခ ရေကာတာစီမံကိန်းကြောင့် ဒေသခံများ နစ်နာနိုင်မှု စစ်တမ်း ရှင်းလင်းပွဲ၊ Madira Hotel၊ မြစ်ကြီးနားမြို့
Share

ငေါ့ချန်းခ မြစ်ဝှမ်းပေါ်တွင် တည်ဆောက်မည့် ရေအားလျှပ်စစ်စီမံကိန်း(၄)ခု နှင့်စပ်လျဉ်း၍ ၎င်းဒေသတွင်နေထိုင်သော ပြည်သူများ၏ လူမှုဘဝထိခိုက်နစ်နာနိုင်မှု (SIA) စစ်တမ်းကောက်ယူ သုတေသနတွေ့ရှိချက်များ ရှင်းလင်းတင်ပြပွဲကို ယနေ့ ဇူလိုင်လ (၂၃)ရက်နေ့ မြစ်ကြီးနားမြို့ Madira Hotel တွင် ပြုလုပ်ခဲ့သည်။

သက်ဆိုင်ရာ အစိုးရများက ဒေသခံများ၏ သဘောထားကို စစ်တမ်းကောက်ယူပြီးပြီဟုဆိုသော်လည်း စစ်ဆေးရန်တောင်းခံသည့်အချိန် ပေးနိုင်ခြင်း မရှိသည့်အတွက် ဒေသခံလူမှု အဖွဲ့အစည်းများ ဦးဆောင်ကာ စစ်တမ်း ပြန်လည် ကောက်ယူထားသည်ကို အများပြည်သူများ သိရှိနိုင်ရန် ပြန်လည် တင်ပြခြင်း ဖြစ်ကြောင်း ဒေသခံ တစ်ဦးဖြစ်သည့် ဦး Zawng Dai က ယခုလို ပြောသည်။

“အစိုးရအနေနဲ့ (Social Impact Assessment, SIA) ကောက်ယူခြင်းပြုလုပ်ပြီးပြီ ဆိုလို့ ကျနော်တို့ တောင်းကြည့်တော့ ရပါတယ်။ စာတင်ပါ ဆိုလို့ လဲ စာတင်တယ်။ ၂ ပတ်လောက်ကြာလဲ ဘာမှ အကြောင်း မပြန်ဘူး။ အဲ့တာကြောင့် ဒီ Tanks အဖွဲ့ တွေကို အကူအညီတောင်းပြီး ဒေသခံတွင်ရဲ့ ဆုံးရှုံးမယ့် လူမှုဘဝထိခိုက်နစ်နာနိုင်မှု အကြောင်းအရာများကို ကောက်ယူစစ်ဆေးခဲ့တာကို ပြည်သူအများ သိစေချင်တယ်။”

ငေါ့ချန်းခမြစ်ဝှမ်းပေါ် နေထိုင်ကြသူများမှာ ကချင်တိုင်းရင်းသားများဖြစ်သည့် ငေါ့ချန်း၊ လီဆူ၊ လချိဒ်၊ လောင်ဝေါ် များ ဖြစ်ကြသည်။

စီမံကိန်းပြုလုပ်ဖြစ်ပါက ဒေသခံများအတွက် အဓိက စားဝတ်နေရေးနှင့် အခြားသော အရာများ အခက်တွေ့ ပျက်စီး သွားမည် ဖြစ်ကြောင်းကို ပွင့်လင်းမြင်သာမှုနှင့် တာဝန်ယူတာဝန်ခံမှု ကွန်ရက် Tanks အဖွဲ့ စီမံကိန်းမန်နေဂျာ မ Ja Hkaw Lu ကပြောပါသည်။

“တကယ်လို့ ဒီစီမံကိန်း လုပ်ဖြစ်သွားရင်တော့ ဒေသခံတွေအတွက် အဓိက စားဝတ်နေရေး ဝင်ငွေတွေ နဲ့ ဘိုးဘွားပိုင် အမွေအနစ်တွင် ရရှိတော့မှာ မဟုတ်တော့ဘူး။”

ယင်းစီမံကိန်းသည် ၂၀၀၉ ခုနှစ် စစ်အစိုးရ လက်ထက် မှ စတင်ကာ ပြည်သူများ၏ ဆန္ဒမပါဝင်ဘဲ ပြုလုပ်လာခြင်း ဖြစ်ပြီး ၂၀၁၂ ခုနှစ် ကချင်ဒေသ တိုက်ပွဲ ပြန်လည်စတင်လာသဖြင့် လုပ်ငန်း ရပ်ဆိုင်းထားကြောင်း သိရပါသည်။

သို့သော်လည်း ယခုအခါ ပြန်လည် ပြုလုပ်ရန် ပြင်ဆင်လာသည်ကို တွေ့ရကြောင်း သိရပါသည်။

KNG BURMESE WEBSITEKNG KACHIN WEBSITE
  • Popular

  • Latest