တားဆီးခံ စစ်ရှောင်များ လွတ်မြောက်ရေး လူငယ်ဆန္ဒပြ ခေါင်းဆောင် (၃)ဦးအမှု ထပ်မံ ရုံးချိန်း

ဇူလိုင် ၁၈၊ ၂၀၁၈ မြစ်ကြီးနားမြို့နယ် တရားရုံးတွင် တရားရင်ဆိုင်ရန် စောင့်နေတဲ့ ကချင်လူငယ်ခေါင်းဆောင် ၃ဦး
Share

၎င်းတို့ ၃ ဦးအမှုပယ်ဖျက်ပေးရန် ကချင်ပြည်နယ်တရားရုံးသို့ တင်ထားသော အမှုတွဲ မြစ်ကြီးနား မြို့နယ် တရားရုံးသို့ မရောက်လာသေးသဖြင့် ထပ်မံရုံးချိန်း လိုက်ခြင်း ဖြစ်သည်။

“ဒီကနေ့ တရားရုံးကို ရောက်တော့ မြို့နယ်ရုံးက တရားရေးအရာရှိက ပြောတယ်။ အမှုတွဲကျမလာလို့ ဘာမှ လုပ်လို့ မရဘူး။ ၃၀ ရက်နေ့ ကို ထပ်ချိန်းလိုက်တယ်” ဟု တရားစွဲခံထားရသူ ဒေါ် Nang Pu က ပြောသည်။

ထို့အပြင် ယနေ့ ရုံးချိန်းတွင် တပ်မတော် မြောက်ပိုင်းတိုင်းစစ်ဌာနချုပ် (မပခ) တရားလို သက်သေများကို စစ်ဆေးရန်ဖြစ်သော်လည်း တစ်ယောက်မျှပင် ရောက်မလာခဲ့ပေ။

ဧပြီလမှ မေလထိ ဖားကန့်မြို့နယ်၊ တနိုင်းမြို့နယ် နှင့် အင်ဂျန်းယန်မြို့နယ် အတွင်း ကချင်လွတ်လပ်ရေးတပ်မတော် KIA စခန်းများကို တပ်မတော်မှ ပြင်းပြင်းထန်ထန် ထိုးစစ်ဆင် တိုက်ခိုက်ခဲ့စဉ် ၎င်းတို့ တားဆီးထားသော ပြည်သူများကို လွတ်ပေးရန် ကချင်လူငယ်များ တောင်းဆိုဆန္ဒပြပွဲကို ဧပြီ (၃၀) မှ မေ (၈)ရက်ထိ မြစ်ကြီးနားမြို့တွင် ဆက်တိုက်ပြုလုပ်ခဲ့သည်။

ဆန္ဒပြပွဲ ဦးဆောင်သူ ဦး Lum Zawng၊ ဦး Zau Jat နှင့် Nang Pu သုံးဦးပေါ် စွဲဆိုထားသော အမှုများကို ချေဖျက်ပေးရေး လျှောက်ထားမှုကို လွန်ခဲ့သည့်အပတ် ပြည်နယ် တရားရုံးက ပယ်ချခဲ့သည်။

လူငယ်ခေါင်းဆောင် (၃)ဦးသည် မေလ (၁၆) ရက်နေ့မှ တရားရင်ဆိုင်နေရခြင်း ဖြစ်သည်။


KNG BURMESE WEBSITEKNG KACHIN WEBSITE
  • Popular

  • Latest