စစ်ရှောင် တစ်ဦးချင်းစီ၏ အတွင်းကျကျ လိုအပ်ချက် ကူညီရန် လိုအပ်သေး

Awng Lawt စစ်ရှောင်များ၊ Jaw Masat ကချင် နှစ်ခြင်းခရစ်ယာနအ အသင်းတော်၊ မြစ်ကြီးနား

စစ်ရှောင်များ၏ လိုအပ်ချက်များကို အဖွဲ့အစည်း အမြောက်အများ လာရောက်ကူညီ နေကြသော်လည်း စစ်ရှောင် တစ်ဦးချင်းစီ၏ အဓိက လိုအပ်ချက်ကို အတွင်းကျကျ ကူညီရန် လိုအပ်နေသေးကြောင်း တနိုင်းမြို့နယ် Awng Lawt ကျေးရွာ စစ်ရှောင် ဆရာမ Seng Ja က ပြောပါသည်။

ဆရာမ Seng Ja (ဆိုင်းဂျာ)နှင့်အတူ Awng Lawt (အောင်လော့ဒ်) စစ်ရှောင် ၈၀၀ ကျော်သည် မြစ်ကြီးနားမြို့ Jaw Masat (ဂျော်မဆတ်) ကချင် နှစ်ခြင်း ခရစ်ယာန် အသင်းတော် (KBC)မှာ ခိုလှုံနေပါသည်။

“လူတစ်ယောက်ချင်းစီမှာက ကိုယ့်အတွက် တကယ်လို အပ်ချက်တွေ အများကြီးရှိတယ်။ ဒါပေမယ့် အဲဒီအရာတွေ တစ်ခု ချင်းစီကို အတွင်းကျကျ ဘာလို အပ်တယ် ဘာက အလိုအပ်ဆုံးလဲ ဆိုတာကို အခုချိန်ထိ မဖြည့်ဆည်းနိုင်သေးဘူး” ဟု ဆရာမ ကပြောသည်။

ယခု စစ်ရှောင်များ၏ စိတ်ပိုင်းဆိုင်ရာ ဒဏ်ရာများကို ကုသပေးနိုင်ခြင်း မရှိကြောင်းလည်း သိရပါသည်။

စစ်ဘေးမှ လွတ်မြောက်လာပြီး မြို့ပေါ်ရောက်ရှိလာသော ကလေးများသည် လေယဉ်ပျံ တွေ့လျှင် ကြောက်လန့် စိတ်ဒဏ်ရာ ဖြစ်နေသေးကြောင်းလည်း ပြောပြသည်။

“အခု ကျမတို့ ဆီက ကလေးတွေဆိုရင် ကားတံခါးဘဲ ပိတ်လိုက်ရင်တောင်မှ သေနတ်သံဘဲ ထင်ပြီးတော့ သူတို့စိတ်ထဲမှာ ကြောက်လန့် နေတဲ့ဟာတွေ ရှိတယ် ပြီးတော့ ဒီမြို့ပေါ်က လေယဉ်ပျံဘဲ တွေ့ လိုက်ရင်တောင်မှ သူတို့ ပုန်းဖို့ နေရာတွေ ရှာလာကြတယ်” ဟု ဆရာမ က ပြောသည်။

စစ်ရှောင်များ၏ အဓိက အခက်အခဲများကို လူမှုအဖွဲ့အစည်းများမှ လာရောက် ဖြည့်ဆည်းပေးနေသော်လည်း စစ်ရှောင်များ၏ စိတ်ဒဏ်ရာကို ကုသရန် ခက်ခဲ နေကြောင်း သိရပါသည်။

KNG BURMESE WEBSITEKNG KACHIN WEBSITE
  • Popular

  • Latest