မြန်မာ အစိုးရကျောင်း ပြောင်းတက်ရန် စာမေးပွဲ ထပ်မံ ဖြေဆိုရ

တန်ဖရဲ RC အသင်းတော်မှာ ခိုလှုံနေတဲ့ အင်ဂျန်းယန် စစ်ရှောင်များ
Share

စစ်ရှောင်စခန်းတွင်ရောက်ရှိနေသည့် KIO ပညာရေးစနစ် အထက်တန်း ကျောင်းသားများက မြန်မာ အစိုးရကျောင်း ပြောင်းတက်နိုင်ရန် စာမေးပွဲ ထပ်မံ ဖြေဆိုရမည်ဆိုသော သတင်းထွက်လာသောကြောင့် ကျောင်းသား၊ မိဘများ စိုးရိမ် ပူပန်နေကြသည်။

ဇွန် (၁၈)ရက်နေ့ တွင် ပညာရေးဝန်ထမ်းတစ်ချို့က တက္ကသိုလ်ဝင်တန်း တက်ရောက်နေသော စစ်ရှောင် ကျောင်းသားများကို (၈)တန်း မှ ပြန်လည် ဖြေဆိုရမည်ဟု ပြောခဲ့ကြောင်း ကျောင်းသားများပြောသည်။

ထို့ကြောင့် ဇွန် (၁၉)ရက် နေ့ ကချင်ပြည်နယ် ပညာရေး ဒုတိယညွန်ကြားရေးမှူး နှင့် မြစ်ကြီးနားပညာရေးမှူးများ၊ အင်ဂျန်းယန် လွှတ်တော်ကိုယ်စားလှယ် တို့ တွေ့ဆုံဆွေးနွေးခဲ့ပြီး ဖြစ်သည်။

တွေ့ဆုံမှုအရ ယခုလ အတွင်း အတန်းစဉ်အလိုက် (၁၀)တန်း ဖြေဆိုရမည့် ကျောင်းသားသည် ၉ တန်း ဖြေဆိုရမည်ဖြစ်ပြီး၊ (၉)တန်း ဖြေဆိုရမည့်ကျောင်းသားသည် (၈)တန်း ဖြေဆိုရမည်ဖြစ်ကြောင်း နှင့် မေးခွန်းများကို ပြည်နယ်မှ ထုတ်ဝေ စီစစ်သွားမည်ဖြစ်ကြောင်းသိရသည်။

သို့သော်လည်း တိုက်ပွဲကြောင့် စိုးရိမ်ထိတ်လန့်မှု အဖြစ်ဆိုး ကြုံတွေ့ခဲ့ရသော ကျောင်သားများအနေဖြင့် ယခင်နှစ် ပညာသင်နှစ်အတွင်း ကျက်မှတ်ထားသော သင်ခန်းစာများ ကို မေ့လျော့သွားမည်ကို မိဘများက စိုးရိမ်နေခြင်းဖြစ်သည်။

KNG BURMESE WEBSITEKNG KACHIN WEBSITE
  • Popular

  • Latest