တပ်မတော် အသေရေဖျက်မှုဖြင့် ကချင်လူငယ် သပိတ် ခေါင်းဆောင် (၃)ဦး ကို တရားစွဲ

Lum Zawng၊ ကချင် သပိတ်စခန်း ခေါင်းဆောင်

ပိတ်မိ စစ်ရှောင်များ လွတ်မြောက်ရေး ကချင်လူငယ်ထု သပိတ်စခန်းကို ဦးဆောင်ခဲ့သူ(၃)ဦး အား တပ်မတော်မှ အသရေဖျက်မှု ပုဒ်မ ဖြင့် တရားစွဲဆိုထားကြောင်း သိရပါသည်။

တရားစွဲဆိုခံရသူ (၃)ဦးမှာ ရှေ့နေ ကို Lum Zawng၊ ဦး Zau Jat နှင့် ဒေါ် Nang Pu တို့ဖြစ်ပြီး မနက်ဖြန် မေလ (၁၆) ရက်နေ့ မြစ်ကြီးနားမြို့နယ် တရားရုံးတွင် ကိုယ်တိုင် သွားရောက် တရား ရင်ဆိုင်သွားရမည်ဖြစ်သည်။

“စစ်ပွဲကြား အပြစ်မဲ့ပြည်သူများ၏ အသက်ကယ်ပေးရန်နှင့် လူသားချင်း စာနာထောက်ထားမှုပေးရန် နိုင်ငံသား၏ မူလ အခြေခံအခွင့်အရေးဖြစ်သည့် လွတ်လပ်စွာ ဆန္ဒထုတ်ဖော်ခြင်းကြောင့် မည်သူ့ကို အသရေဖျက်ပါသနည်း” ဟု တရားစွဲခံရသူ တစ်ဦး ကို Lum Zawng က ယနေ့ သူ၏ လူမှု စာမျက်နှာတွင် ထုတ်ဖော် ပြောဆိုထားပါသည်။

တပ်မတော် နှင့် ကချင်လွတ်လပ်ရေးတပ်မတော် KIA တို့ တိုက်ပွဲကြား ပိတ်မိနေသော စစ်ရှောင်များ လွတ်မြောက်ရေး တောင်းဆိုသည့် ကချင်လူငယ်ထု သပိတ်စခန်းကို ဧပြီ (၃၀) ရက်နေ့မှ မေလ (၈)ရက်နေ့ အထိ ပြုလုပ်ပါသည်။

ထို့ကြောင့် ကာမိုင်း၊ Lai Nawng Hku စစ်ပြေးဒုက္ခသည်များကို တပ်မတော် သဘောတူညီမှုဖြင့် အစိုးရမှ ကယ်ထုတ်ပေးခဲ့ပြီဖြစ်ပါသည်။

ခွင့်ပြုချက်မရဘဲ လမ်းမပေါ် ဆန္ဒထုတ်ဖော်ရာတွင် လက်တွေ့ ဦးဆောင်သူ ကို Lum Zawng နှင့် မ Sut Seng Htoi တို့ နှစ်ဦးကို ငြိမ်းစုစီ ဥပဒေဖြင့် တရားရုံးက မေလ (၉) ရက်နေ့မှာ ငွေဒဏ် ၃ သောင်းစီဖြင့် စီရင်ချက် ချခဲ့ပြီး ဖြစ်ပါသည်။

KNG BURMESE WEBSITEKNG KACHIN WEBSITE
  • Popular

  • Latest