ကချင် ပေါင်းစည်း ပါတီ အား အတည်ပြုမည့် လူထု ညီလာခံ ရက် နောက်ဆုတ်

ကချင်ပါတီများ ပေါင်စည်းရေး ဆွေးနွေးပွဲ၊ ဖေဖေါ်ဝါရီ ၂၀၊ မြစ်ကြီးနား

ကချင်ပြည်နယ် ပြည်သူများ အားလုံး ပါဝင်နိုင်သော ကချင်ပါတီကြီး တစ်ခု ဖြစ်လာရေး အတွက် လူထု အတည်ပြုရေး ညီလာခံကို ယခင် မတ်လ ၃၁ ရက်နေ့ သတ်မှတ်ထားရာမှ ဧပြီလသို့ ရက်ထပ်မံ နောက်ဆုတ်လိုက်ရကြောင်း သိရပါသည်။

ကချင်မျိုးနွယ်စုဖြစ်သော လီဆူ နှင့် လော်ဝေါ် အမျိုးသားပွဲတော်တချို့ မတ်လကုန်ပိုင်းနှင့် ဧပြီ လဆန်းတွင် ရှိနေသောကြောင့် ကချင် ပါတီများ ပေါင်းစည်းရေး အတည်ပြုမှု လူထု ညီလာခံကို ဧပြီလ ၅ ရက်မှ ၁၀ အတွင်းသို့ ပြောင်းရွှေ့ထားကြောင်း အစီစဉ်ဦးဆောင်ပြုလုပ်မယ့် ကချင် အမျိုးသား အတိုင်ပင်ခံ WMR အဖွဲ့ အတွင်းရေးမှူး ဦးလဘန်ဂမ်အောင် ပြောပါသည်။

မတ်လ ၂၈ မှ ၃၁ ရက်နေ့ အထိ လော်ဝေါ် ရိုးရာနှင့် စာပေ ယဉ်ကျေးမှုနှီးနှောဖလှယ်ပွဲ ညီလာခံ ရှိပြီး ဧပြီ ၃ ရက်နေ့တွင် လီဆူ အမျိုးသားများဆိုင်ရာ ဆုတောင်းပွဲကြီး တစ်ခု မန်ခိန်တွင် ပြုလုပ်ရန် ရှိနေသောကြောင့် ဖြစ်သည်ဟု သိရပါသည်။

ကချင်ပါတီ ၃ ပါတီ ဖြစ်သော ကချင်ဒီမိုကရက်တစ်ပါတီ KDP၊ ကချင်ပြည်နယ် ဒီမိုကရေစီပါတီ KSDP နှင့် ကချင်အမျိုးသားကွန်ကရက်ပါတီ KNC တို့သည် အင်အားကြီး ပါတီတစ်ခု အဖြစ်ပူးပေါင်းရန် သဘောတူပြီး ပါတီသစ်နာမည်အဖြစ် ‘ကချင်အမျိုးသားများကွန်ကရက်ပါတီ (KNCP)’ အဖြစ် လည်းကောင်း၊ ပါတီအလံအဖြစ် ‘ကချင်အမျိုးသားအလံထောင့် ကြယ်ဖြူတစ်ခုကပ်’ စသဖြင့် အသုံးပြုရန် သဘောတူထားပြီ ဖြစ်သည်။

သို့သော်လည်း ပါတီပေါင်းစည်းရေး ဇန်နဝါရီ ၁၃ ရက်နေ့ သဘောတူချက်အရ ပါတီ၏ နာမည်၊ အလံ နှင့် တံဆိပ်တို့ကို လူထု ညီလာခံဖြင့် ဖေဖော်ဝါရီ ၂၀ ရက်နေ့ အတည်ပြုရန် လက်မှတ် ရေးထိုး ခဲ့ကြခြင်း ဖြစ်ပါသည်။

လူထု အတည်ပြုရေး ညီလာခံကို ကချင်အမျိုးသားအတိုင်ပင်ခံအဖွဲ့ WMR အား ဦးဆောင်ရန် တောင်းဆိုထားသည်။ သို့သော်လည်း အားလုံးပါဝင်ရေးအတွက် နေရာအနှံမှ ကချင်လူထု၏ အမြင်ရရှိရန် ညီလာခံကို မတ်လ ၃၁ ရက်နေ့သို့ ပထမအကြိမ် နောက်ဆုတ်ခဲ့သည်။

ယခုတွင် လီဆူ နှင့် လော်ဝေါ်အမျိုးသား ပွဲတော်များ ရှိနေသဖြင့် ဧပြီလသို့ ဒုတိယ အကြိမ် ထပ်မံ နောက်ဆုတ်လိုက်ခြင်း ဖြစ်ပါသည်။

သို့သော်လည်း ယခုကဲ့သို့ အစီစဉ် နောက်ဆုတ်ရခြင်းအကြောင်းကို WMR အနေဖြင့် ကချင်ပါတီ ပူးပေါင်းရေးအဖွဲ့ကို တရားဝင် ပြောဆိုလာခြင်း မရှိသေးပါဘူး။

“ပါတီဆိုတာ ပြောတဲ့အတိုင်း ဆုံးဖြတ်ထားတဲ့အတိုင်း လုပ်ရတယ်။ အခုတော့ ပြောထားတဲ့ဟာက တစ်ခုပြီး တစ်ခု ပြောင်းနေရတယ်။ ကျနော်တို့ အတွက်လည်းမကောင်းပါဘူး။ EU သံအမတ်တွေကိုလည်း မတ်လ ၃၁ ရက်နေ့ လူထု အတည်ပြုချက်ယူမယ်လို့ တရားဝင် ပြောထားပြီ။” ဟု ကချင်နိုင်ငံရေးပါတီများ ပူးပေါင်းဆောင်ရွက်ရေးအဖွဲ့ KPCC မှ လူထုဆက်ဆံရေးတာဝန်ခံ ဦးဘရန်အောင်က ပြောပါသည်။

ကချင်ပါတီများ ပူးပေါင်းရေး ကို အချိန် ၅ နှစ် ကျော် ကြိုးစားရာမှ ယခု ပထမဆုံး စုစုပေါင်း ပါတီ ၇ ပါတီ မှ အဓိက ပါတီ ၃ ခု ပေါင်းစည်းရန် သဘောတူ ခဲ့ခြင်း ဖြစ်သည်။

KNG BURMESE WEBSITEKNG KACHIN WEBSITE
  • Popular

  • Latest