ဟူးကောင်း ယုဇန ကုမ္ပဏီ ဘိန်းခြံများ ကို ဒေသခံများ ဖျက်ဆီး

ယုဇန ခြံဝင်းရှိ ဘိန်းခင်းများကို ဒေသခံများ ဖျက်ဆီးနေပုံ၊ ဟူးကောင်းချိုင့်ဝှမ်း၊ တနိုင်းမြို့နယ်၊ ကချင်ပြည်နယ်
Share

ကချင်ပြည်နယ် ဟူးကောင်း ချိုင့်ဝှမ်း ယုဇနကုမ္ပဏီ ခြံဝင်း အတွင်း ဘိန်းခြံ (၈) ဧကခန့် ကို ဒေသခံ Pat Jasan (ပတ်ဂျဆန်) ခေါ် လူထု မူးယစ် ဆေးဝါး တိုက်ဖျက်ရေး အဖွဲ့မှ ဖျက်ဆီးခဲ့သည်။

မတ်လ (၅) ရက်နေ့ တွင် လီဒိုလမ်း ကောင်ရာ တပ်မတော်စခန်း ကို အကြောင်းကြားပြီး ဒေသခံပြည်သူ ၁၈ ယောက်ပါဝင်သော လူအင်အားဖြင့် ယုဇနကုမ္ပဏီ သိမ်းဆည်းထားသောမြေ ပီလောပီနံ စိုက်ခင်းကြား စိုက်ပျိုးထားသော ဘိန်းခင်းများကို ဖျက်ဆီးခဲ့ခြင်းဖြစ်သည် ဟု သွားရောက်ဖျက်ဆီးသူများ ပြောပါသည်။

ဘိန်းခင်း ဖျက်ဆီးသူများ၏ လုံခြုံရေးကြောင့် ၁ ရက်သာ လုပ်နိုင်ပြီး ရပ်နားထားရသည်ဟု ပြောပါသည်။

အဆိုပါ ယုဇနကုမ္ပဏီဝင်း အတွင်း ဘိန်းခင်းဧက များစွာ ရှိနေသေးကြောင်းလည်း သိရပါသည်။

မြန်မာစစ်တပ် ကျောထောက်နောက်ခံ ရန်ကန် အခြေစိုက် ဦးဌေးမြင့် ပိုင် ယုဇန ကုမ္ပဏီ သည် ၂၀၀၆ ခုနှစ် ဟူးကောင်းချိုင့်ဝှမ်း သို့ဝင်လာပြီး ဒေသခံများ၏ လယ်ယာမြေများ အပါအ၀င် မြေ ဧကပေါင်း (၄) သိန်း ကျော်ထိ သိမ်းပိုက်ထားကြောင်း Kachin Development Networking Group, KDNG က ဆိုပါသည်။

မိမိ သိမ်းပိုက်ထားသည့် ခြံဝင်းအတွင်း ယခုလို ဘိန်းခင်းများ ရှိလာခြင်း၌ ယုဇန ကုမ္ပဏီ ဘယ်လို ပါဝင် ပတ်သက်မှု ရှိ မရှိကို မသိရသေးပါ။

KNG BURMESE WEBSITEKNG KACHIN WEBSITE
  • Popular

  • Latest