ကဆုန် စစ်ရှောင် ဒုက္ခသည်များ နေရပ် ပြန်ခွင့် ရ မလား

ကဆုန် စစ်ရှောင် ဒုက္ခသည်များ နေရပ် ပြန်ခွင့် ရ မလား

နမ္မတီးမြို့တွင် လတ်တလော ထွက်ပြေး ခိုလှုံနေသည့် ကဆုန် ကျေးရွာ စစ်ပြေး ဒုက္ခသည်များ တိုက်ပွဲ ရပ်နေစဉ် မိမိတို့ နေရပ် ပြန်ချင်ကြပြီ ဖြစ်သော်လည်း အစိုးရ ၏ ခွင့်ပြုချက် ရရန် မျှော်လင့် နေကြပါသည်။

စစ်ရှောင်များ မိမိနေရပ် အမြန်ဆုံး ပြန်ခွင့် ရရန် ကချင်ပြည်နယ် အစိုးရ ကို ယနေ့မှာပဲ စာတင်ရန် ပြင်ဆင်နေကြောင်း မြစ်ကြီးနား အခြေစိုက် ကချင် ငြိမ်းချမ်းရေး အကျိုးဆောင် အဖွဲ့ PCG မှ ဦး Lamai Gum Ja (လမိုင် ဂွမ်ဂျာ) က ပြောသည်။

သြဂုတ် ၁၁ ရက်နေ့ နံနက်ပိုင်း မှာ ကချင် လွတ်လပ်ရေး တပ်မတော် KIA တပ်ရင်း ၁၁ ထိန်းချုပ်မှုအောက် ကဆုန်ရွာ ကို မြန်မာ စစ်ကြောင်း ပစ်မှတ်ထား ကာ လက်နက်ကြီး ပစ်ခတ် ဝင်ရောက် လာခြင်းကြောင့် ရွာသားများ နီးစပ်ရာ နမ္မတီးသို့ မိမိ ကိုယ်လွတ် ထွက်ပြေးလာခြင်း ဖြစ်သည်။

ယနေ့ အင်္ဂါနေ့ အထိ နမ္မတီး၊ Lambraw Yang (လမ်းခွ) ကချင် နှစ်ခြင်း ခရစ်ယာန် အသင်းတော် နှင့် ရိုမန်ကတ်သလစ် အသင်းတော် ဘုရားကျောင်း ၂ ကျောင်းတွင် ခိုလှုံနေသည့် စစ်ရှောင် ၁၀၀၀ ကျော် ရှိနေပြီ ဖြစ်သည်။

ရွာသားများ က မိမိတို့ မိသားစု ပစ္စည်းများ၊ အိမ်မွေး တိရစ္ဆာန်များ အားလုံးကို ပစ်ထားပြီး ကိုယ်လွတ် ထွက်ပြေး ရခြင်းကြောင့် နှင့် ယခု မိုးရာသီ လယ် လုပ်ချိန် ဖြစ်ခြင်း စသည့် အကြောင်းရင်းများကြောင့် နေရပ် အမြန် ပြန်လိုခြင်း ဖြစ်သည်ဟု ဦး Lamai Gum Ja က ပြောသည်။

သြဂုတ် ၁၀ နေ့က စပြီး တပ်မတော်နှင့် KIA တပ်ရင်း ၁၁ ကြား ကဆုန်ရွာ အနီး တိုက်ပွဲ စတင် ဖြစ်ပွားခဲ့သည်။ နောက်နေ့ ကဆုန်ရွာထဲ တိုက်ခိုက် ၀င်ရောက်လာသည့် တပ်မတော် စစ်ကြောင်းတွင် ခလရ ၂၉ နှင့် မိုးကောင်း စကခ ၃ အောက် ခမရ ၃၈၂ နှင့် ခမရ ၃၈၃ တို့ ပါဝင်ကြောင်း စုံစမ်း သိရှိရသည်။

တနင်္ဂနွေနေ့ နံနက်ပိုင်း တပ်မတော် ဘက် နောက်ဆုတ်သွားပြီး တိုက်ပွဲ ရပ်သွားခြင်းကြောင့် ရွာသားများ နေရပ် ပြန်ချင်ကြခြင်း ဖြစ်သည်။

သို့သော်လည်း မြန်မာ စစ်တပ် က နယ်မြေ ရှင်းလင်းရေး စစ်ဆင်ရေး အားဖြင့် KIA တပ်ရင်း ၁၁ ကို မြစ်ကြီးနား စစ်မျက်နှာ ဘက်မှလည်း တိုက်ခိုက်ရန် စစ်ရေး ပြင်ဆင်နေကြောင်း ဒေသခံ စစ်ရေး လေ့လာသူများ ဆိုပါသည်။

ဓါးစာခံ ဆရာမ နှင့် ရွာသား ၁၁ ဦး ကို ပြန်လွှတ် ပေး
သောကြာနေ့ က အစိုးရတပ်များ ကဆုန်ရွာအတွင်း ဝင်ရောက် ပစ်ခတ်စဉ် ဓါးစာခံ အဖြစ် ဖမ်းဆီးထားသည့် ဆရာမ We Tsai (ဝယ်စိုင်း) နှင့် ရွာသား ၁၁ ဦး ကို တနင်္ဂနွေနေ့ ညနေပိုင်း ပြန်လွှတ် ပေးခဲ့သည်။

၎င်းတို့နှင့် အတူ ရွာထဲ ပိတ်မိနေသော ရွာသား ၃၀၀ ကျော် ကိုလည်း PCG နှင့် ကချင် နှစ်ခြင်း ခရစ်ယာန် အဖွဲ့ချုပ် KBC အထွေထွေ အတွင်းရေးမှုး Rev. Dr. Hkalam Samson တို့ ဦးဆောင်ပြီး သွားရောက် ခေါ်ထုတ် နိုင်ခဲ့ပါသည်။

ယခုလို ရွာထဲ နောက်ဆုံး ကျန်နေသည့် ရွာသားများ ခေါ်ယူနိုင်ရန် အတွက် PCG အဖွဲ့ က ကချင် ပြည်နယ် အစိုးရဖွဲ့ ကို သြဂုတ် ၁၂၊ စနေနေ့ က စာ တင်ခဲ့ပြီး ယင်းနောက်မြောက်ပိုင်းတိုင်း စစ်ဌာနချုပ် (မပခ) တိုင်းမှုးမှ ခွင့်ပြုချက် ပေးခဲ့ကြောင်း PCG က ပြောသည်။

  • Popular

  • Latest