ရေကာတာ ကိစ္စ IFC-World Bank ဆွေးနွေးပွဲကို မြစ်ဆုံ ဒေသခံများ ကန့်ကွက်

ရေကာတာ ကိစ္စ IFC-World Bank ဆွေးနွေးပွဲကို မြစ်ဆုံ ဒေသခံများ ကန့်ကွက်

ကချင်ပြည်နယ် ဧရာဝတီ မြစ်ဆုံ မြစ်ညှာ မြစ်ဝှမ်း ရေအားလျှပ်စစ် စီမံကိန်း အားလုံး ရပ်ဆိုင်းပေးရန် IFC-World Bank ဦးဆောင်ပြုလုပ်သော ရေအားလျှပ်စစ်ဆိုင်ရာ ဆန်းစစ်ခြင်းဆွေးနွေးပွဲ ပြုလုပ်နေသည့် မြစ်ကြီနား Palm Spring Hotel ရှေ့တွင် ယနေ့  မနက် မြစ်ဆုံ ဒေသခံများ ဆန္ဒပြခဲ့ကြသည်။

ဒေသခံများ ကြွေးကြော်ခဲ့သောအသံမှာ “ဧရာဝတီမြစ်ကို ပြည်သူတွေပိုင်ရေး၊ ဧရာဝတီ မြစ်ဆုံ မြစ်ညှာ မြစ်ဝှမ်း ရေအားလျှပ်စစ်စီမံကိန်း (လုံးဝ) ရပ်ဆိုင်းရေး၊ ဧရာဝတီမြစ်ထာဝစဉ် လွတ်လပ်စွာ စီးဆင်းရေး နှင့် ဒေသခံများ မူလနေရာသို့ လွတ်လပ်စွာ နေထိုင်ခွင့် ရရှိရေး” တို့ဖြစ်သည်။

ဆန္ဒပြပွဲမှာ ဒေသခံ ၃၀ ခန့်ပါဝင်ခဲ့ပြီး မနက် ၉ နာရီခန့် စတင်ကာ စုစုပေါင်း ကြာချိန် ၁ နာရီမျှ ကြွေးကြော်ခဲ့ကာ ရဲတာဝန်ရှိသူများ တားမြစ်ခဲ့ပြီးနောက် ရပ်နားခဲ့ခြင်း ဖြစ်သည်။

အလားတူ အဆိုပါ IFC International Finance Corporation - World Bank ထောက်ပံ့ ပြုလုပ်သော ရေအား လျှပ်စစ်ဆိုင်ရာ လေ့လာသုံးသပ်ရေး ကိုယ်စားလှယ်များ ရောက်ရှိနေခိုက် မြစ်ဆုံ စီမံကိန်းကို ကန့်ကွက်ကြောင်း ကချင် နိုင်ငံရေး ပါတီများ ညှိနှိုင်းဆောင်ရွက်ရေး ကော်မတီ KPCC က ယနေ့ သဘောထား ထုတ်ပြန်ထားသည်ကို တွေ့ရသည်။

ယမန်နှစ် အမျိုးသား ဒီမိုကရေစီ အဖွဲ့ချုပ် NLD ပါတီ အာဏာရအပြီး တရုတ်နိုင်ငံဘက်က စီမံကိန်း ပြန်စလိုကြောင်း ပြောလာသည့်အပြင် မြန်မာနိုင်ငံဆိုင်ရာ တရုတ်သံအမတ်ကိုယ်တိုင် မြစ်ကြီးနား ရောက်လာခဲ့ပြီ ဖြစ်သည်။

နိုင်ငံရေးပြေလည်ပြီး ငြိမ်းချမ်းရေး မရသေးသရွေ့ နိုင်ငံတကာဘဏ်များနှင့် ကုမ္ပဏီများ အနေဖြင့် မြန်မာပြည်မှာ ရေအားလျှပ်စစ် စီမံကိန်းကဲ့သို့သော အစီစဉ်မှာ မပါဝင်ရန် ကချင်ပါတီများက ထုတ်ပြန်ခြင်း ဖြစ်သည်။

  • Popular

  • Latest